انتقل للمحتوى
مزاد الصيانة | للورشللمحلات ومقدمي الخدمات

عندك ورشة تصليح أو محل قطع غيار؟

خلّي محلك يحصل فرصة يوصل لزباين جدد!

شنو فكرة تطبيق مزاد الصيانة | للورش؟

الفكرة بسيطة… أصحاب السيارات من يحتاجون تصليح، قطعة غيار، أو أي خدمة تخص سياراتهم، ينشرون طلباتهم بتطبيق مزاد الصيانة.

وإنت بصفتك صاحب ورشة أو محل، تگدر تشوف طلبات الزباين المتاحة، وتختار اللي يناسب شغلك، وتقدّم عرضك بالسعر والتفاصيل اللي تحددها إنت.

الزبون يشوف العروض اللي وصلته، ويقارن بينها، وإذا اختار عرضك، تتفقون على الشغل مباشرة.

يعني بدل ما تعتمد بس على الزباين اللي يجون لمحلك، يصير عندك مجال تعرض خدماتك لزباين جدد يبحثون عن نفس شغلك.

شلون يشتغل التطبيق؟

  1. الخطوة 1: الزبون ينشر طلبه

    ينشر طلب تصليح أو قطعة غيار أو خدمة يحتاجها لسيارته.

  2. الخطوة 2: إنت تقدّم عرضك

    تشوف الطلبات المتاحة وتقدّم سعرك وتفاصيل العرض.

  3. الخطوة 3: الزبون يقارن ويختار

    يقارن العروض، وإذا اختار عرضك تتفقون على الشغل.

التسجيل مجاني، وإرسال العروض مجاني، وماكو أي عمولة على شغلك.

تعرّف على التطبيق من الداخل

شوف شلون تظهر طلبات الزباين بالتطبيق، وشلون تگدر تتعامل وياها بسهولة.

شلون تسجّل محلك وتبدي؟

تسجّل محلك من التطبيق، وبعدها تشوف الطلبات اللي تخص الخدمات اللي اخترتها.

  • حمّل «مزاد الصيانة | للورش» من App Store أو Google Play.
  • سجّل برقم موبايلك واسم المحل، وما تحتاج مستمسكات أو أوراق.
  • اختار الخدمات اللي تقدّمها، وتگدر تختار أكثر من خدمة وتغيّرها بعدين من ملفك.

الخدمات اللي تگدر تختارها

  • صيانة وتصليح السيارات
  • قطع غيار السيارات
  • كرين
  • خدمة سيارات متنقلة
  • الإطارات
  • البطاريات
  • استبدال الزجاج
  • الكماليات
ما لگيت نشاطك؟ تواصل ويانا

مثال: شلون يوصل عرضك للزبون؟

إنت تحدد السعر والتفاصيل، والزبون يشوف ويّاها اسم محلك وتقييمك، وعنوانك إذا ضفته. وقبل ما يقرر، يگدر يتصل بيك أو يراسلك واتساب من عرضك.

  • سعرك: ثابت أو من كذا لكذا
  • رسالتك للزبون
  • القطع مشمولة أو لا
  • ضمانك، إذا تقدّمه
  • لحد 3 صور
  • الموعد والمدة، إذا حددتها
  • تقييمك بعد أعمال مكتملة
رسم يوضح الخطوات: يوصلك طلب يخص خدماتك، تقدّم عرضك بسعرك، وتتابعه لحد ما الزبون يختار. مثال توضيحي لطريقة عمل التطبيق، مو طلب حقيقي ولا سعر حقيقي.

القواعد بوضوح

إنت تحدد سعرك، والزبون هو اللي يختار.

عدد العروض على الطلب
الطلب يستقبل لحد 7 عروض. إذا اكتمل يتوقف التقديم عليه، وإذا انسحب عرض ينفتح مكان.
منطقة الزبون
تشوفها قبل ما تقدّم عرضك.
رقم الزبون
يبينلك بس بعد ما يقبل عرضك.
التقييمات
الزبون يقيّمك بعد ما يكمل الشغل، وإنت تگدر ترد وتعدّل ردّك لفترة محدودة.
الدفع
مباشرة بينك وبين الزبون، ماكو دفع داخل التطبيق.
الزبائن
ما نگدر نضمن عدد زبائن أو شغل، الزبون هو اللي يختار.
الحسابات المخالفة
الإدارة تگدر توقف أو تحظر أي حساب يخالف الشروط.

الأسئلة الشائعة

هل مزاد الصيانة يضمنلي زبائن؟

لا، ما نگدر نضمن عدد زبائن أو شغل. التطبيق يعرضلك الطلبات اللي تخص خدماتك، وإنت تقدّم عروضك، والزبون هو اللي يختار.

شلون أعرف إذا الطلب يخص شغلي؟

التطبيق يعرضلك بس طلبات الخدمات اللي اخترتها بالتسجيل، وتگدر تغيّرها من ملفك.

كم عرض يوصل للطلب الواحد؟

كل محل يقدّم عرض واحد بس، والطلب يستقبل لحد 7 عروض. إذا اكتمل العدد يتوقف التقديم، وإذا انسحب عرض ينفتح مكان.

شلون أدز عرض، وأگدر أعدّله؟

تفتح الطلب وتكتب عرضك وسعرك، وتحدد إذا القطع مشمولة والضمان إذا تقدّمه، وتضيف لحد 3 صور. ومن «العروض المرسلة» تعدّله أو تسحبه قبل ما ينقبل، وتگدر تضيف الموعد والمدة من التعديل.

شنو يصير بعد ما الزبون يقبل عرضي؟

تتفقون على الموعد بالمحادثة، وبعد ما تخلّص الشغل تسجّل السعر النهائي. وإذا صار ظرف، كل طرف يگدر يلغي مع ذكر السبب.

أكو دفع داخل التطبيق؟

لا، ماكو دفع إلكتروني داخل التطبيق. التسجيل والاستخدام مجاني للورش والمحلات وماكو عمولة، والحساب يكون مباشرة بينك وبين الزبون.

شلون تشتغل التقييمات؟

بعد ما يكمل الشغل، الزبون يگدر يقيّمك من 1 لـ 5 نجوم ويكتب تعليق، وإنت تگدر ترد عليه.

أگدر أشتغل من الكمبيوتر؟

إي، نفس حسابك يشتغل من المتصفح على الكمبيوتر، وتشوف نفس الطلبات والعروض.

عندك سيارة وتحتاج تصليح أو قطعة غيار؟

مزاد الصيانة
تعرّف على تطبيق الزبون

حمّل التطبيق وسجّل محلك

التسجيل برقم موبايلك، وما تحتاج مستمسكات أو أوراق.

دخول الورش والمحلات(يفتح بنافذة جديدة)