كيف تشتغل منصة مزاد الصيانة؟
صاحب السيارة يرسل طلبه، والورش والمحلات اللي تقدّم الخدمة تگدر ترسل عروضها، وهو يقارن ويختار.
لأصحاب السيارات
من أول طلب لحد ما يخلص الشغل، بخمس خطوات.
الخطوة 1: ترسل طلبك
تفتح التطبيق، تختار نوع الخدمة (تصليح، قطع غيار، كرين، إطارات أو غيرها) وتكتب شنو تحتاج سيارتك، وتگدر تضيف صور. تكتب اسم منطقتك بس، ورقمك ما يبين بالتطبيق قبل ما تقبل عرض.
الخطوة 2: المحلات المختصة تگدر ترسل عروضها
طلبك يبين للورش والمحلات المسجّلة بنفس نوع الخدمة، وكل وحدة منها تگدر ترسل عرض واحد بالسعر وتفاصيل الشغل.
الخطوة 3: تقارن وتختار عرض واحد
تقارن العروض بالسعر والتفاصيل وتقييم مقدم الخدمة إذا موجود، وإذا عندك سؤال تگدر تتصل بيه أو تراسله واتساب من العرض نفسه. بعدها تختار عرض واحد بس، وإذا ما عجبك ولا عرض، مو مجبور تقبل.
الخطوة 4: تتواصلون وتتفقون على الشغل
أول ما تقبل العرض، صاحب العرض يگدر يشوف رقمك، وتكملون الاتفاق بالمحادثة داخل التطبيق على الموعد وتفاصيل الشغل.
الخطوة 5: التقييم والشكاوى
بعد ما يخلص الشغل تقيّم مقدم الخدمة حتى تساعد غيرك يختار. وإذا صارت مشكلة، تقدّم شكوى من صفحة الطلب، وإذا خلص الشغل أو انلغى تگدر تفتح نزاع خلال 3 أشهر. وإذا العرض بيه ضمان، تقدّم «مطالبة الضمان» من صفحة الطلب حسب شروط مقدم الخدمة.
للورش والمحلات
ورش التصليح ومحلات قطع الغيار وباقي مقدمي خدمات السيارات.
الخطوة 1: تسجّل محلك
تحمّل «مزاد الصيانة | للورش» وتسجّل برقم موبايلك واسم محلك واسمك، وما تحتاج مستمسكات أو أوراق.
الخطوة 2: تختار الخدمات اللي تقدّمها
وتشوف طلبات أصحاب السيارات اللي تخص هالخدمات بس.
الخطوة 3: تقدّم عرضك بسعرك
عرض واحد على كل طلب، بسعر ثابت أو من كذا لكذا ويّا تفاصيلك، وتگدر تعدّله أو تسحبه قبل ما ينقبل.
الخطوة 4: إذا الزبون اختار عرضك
يبيّنلك رقمه، وتكملون الاتفاق بالمحادثة داخل التطبيق على الموعد وتفاصيل الشغل.
تگدر تشتغل من تطبيق الموبايل أو من المتصفح على الكمبيوتر بنفس حسابك: دخول الورش والمحلات(يفتح بنافذة جديدة)
شنو لازم تعرف
القرار دائماً بيد صاحب السيارة.
- عدد العروض
- كل طلب يستقبل لحد 7 عروض، وكل مقدم خدمة يرسل عرض واحد بس.
- الدفع
- مباشرة بين صاحب السيارة ومقدم الخدمة، ماكو دفع داخل التطبيق.
- رقم الهاتف
- رقم صاحب السيارة ما يبين بالتطبيق إلا لمقدم الخدمة اللي ينقبل عرضه.
- الضمان
- إذا موجود، يكون حسب عرض مقدم الخدمة.
- مزاد الصيانة وسيط بس
- يوصلك بمقدم الخدمة، بس مو طرف بالاتفاق بينكم ولا يضمن الشغل.
- الحسابات المخالفة
- الإدارة تگدر توقف أو تحظر أي حساب يخالف الشروط.