سيارتك عطلت أو تحتاج قطعة غيار؟
مرات المشكلة مو بالعطل نفسه…
- المشكلة إنك ما تعرف شكد السعر المناسب، وكل محل يحچي سعر غير.
- وفوكها تتعب من الفرة والدوران من محل لمحل حتى تلگى اللي يناسبك.
ولهذا سوّينا تطبيق مزاد الصيانة!
حتى نسهّل عليك هالسالفة. بدل ما تظل تدور، تفتح التطبيق وتكتب شنو تحتاج لسيارتك، والمحلات والورش المختصة تگدر تدزلك عروضها وأسعارها.
وإنت تشوف الأسعار والتفاصيل، تقارن بين العروض، تختار اللي يناسبك وتتواصل ويّا صاحب العرض مباشرة.
ليش سوّينا مزاد الصيانة؟وكل اللي تحتاجه سيارتك بمكان واحد!
مو بس تصليح وقطع غيار! سواء سيارتك بيها عطل، تحتاج قطعة غيار، أو تريد تضيف إلها كماليات، تگدر تنشر طلبك والمحلات المختصة تگدر تقدّم عروضها.
- صيانة السيارات
- قطع الغيار
- خدمة متنقلة
- كرين ونقل المركبات
- الإطارات
- البطاريات
- استبدال الزجاج
- الكماليات
شلون يشتغل التطبيق؟
1. اكتب طلبك
اختار نوع الخدمة واكتب شنو تحتاج لسيارتك.
2. شوف العروض
المحلات المختصة تگدر تدزلك عروضها وأسعارها.
3. قارن واختار
قارن الأسعار والتفاصيل واختار اللي يناسبك.
نفس الطلب… وأسعار مختلفة! وإنت صاحب الاختيار
«أحتاج بطارية جديدة لسيارتي ويّا التركيب»
محل البطاريات الأول
85,000 د.ع
- بطارية جديدة
- السعر ما يشمل التركيب
اختار الزبون هذا العرض
محل البطاريات الثاني
95,000 د.ع
- بطارية جديدة
- السعر يشمل التركيب
محل البطاريات الثالث
110,000 د.ع
- بطارية جديدة
- يشمل التركيب والتوصيل
مو شرط تختار الأرخص… قارن السعر والتفاصيل واختار اللي يناسبك.
الأسئلة الشائعة
أجوبة قصيرة عن الطلبات والعروض والدفع.
شنو هو تطبيق مزاد الصيانة؟
تطبيق عراقي يوصّل طلبك لمحلات التصليح وقطع الغيار وباقي خدمات السيارات، وهمّ يگدرون يدزولك عروضهم، وإنت تقارن وتختار.
وين ألگى العروض؟
تلگاها بقسم «العروض الجديدة»، أو من «طلباتي» لما تفتح طلبك، ويّا تفاصيل كل عرض.
لازم أقبل أول عرض يوصلني؟
لا، مو مجبور تقبل أي عرض. طلبك يستقبل لحد 7 عروض والعدد يختلف من طلب لطلب، وإذا ما ناسبك ولا عرض تگدر تتركها كلها أو تلغي طلبك.
لازم أختار الأرخص؟
مو شرط. عرضين بنفس السعر تقريباً ممكن واحد يشمل القطع والثاني لا، أو واحد عليه تقييم أحسن. اختار الأنسب إلك.
التطبيق بس للتصليح؟
لا، تگدر تطلب صيانة وتصليح، قطع غيار، كرين، خدمة متنقلة، إطارات، بطاريات، استبدال زجاج، وكماليات.
أگدر أتواصل ويّا صاحب العرض قبل ما أقبل؟
إي، من بطاقة العرض تگدر تتصل بيه أو تراسله واتساب، وإذا المحل عنده سؤال عن طلبك يگدر يراسلك داخل التطبيق. وبعد ما تقبل عرضه، تكملون المحادثة داخل التطبيق ويبين إله رقمك.
شنو يصير بعد ما أقبل العرض؟
باقي العروض تتسكّر، وتتفق ويّا صاحب المحل بالمحادثة. ولما يخلص الشغل يسجّل السعر النهائي، وإنت تگدر تقيّمه بالنجوم وتكتب تعليق.
التطبيق مجاني؟ وشلون أدفع؟
إي، التسجيل واستخدام التطبيق مجاني لأصحاب السيارات، والتطبيق ما ياخذ عمولة. وماكو دفع إلكتروني داخل التطبيق: أجور الخدمة أو سعر القطعة تدفعها للمحل مباشرة حسب اتفاقكم.
شلون أبلغ عن مشكلة؟
بعد ما تقبل عرض، من «طلباتي» تفتح الطلب وتضغط «تقديم شكوى»، والإدارة تراجعها وتتواصل ويّا الطرفين. وإذا خلص الشغل أو انلغى وتريد تفتح نزاع، عندك 3 أشهر.
وين يشتغل مزاد الصيانة؟
تطبيق مزاد الصيانة متاح بكل محافظات العراق، والعروض تعتمد على وجود محلات ومقدمي خدمات بالمنطقة.
بدل ما تفتر وتسأل عن الأسعار…خلّي العروض تجيك، وإنت قارن واختار!
حمّل تطبيق مزاد الصيانة هسه